تورکون دیلی
ئوز شعرینی فارسا_عربه قاتماسا شاعر
شعری اوخویانلار ائشیدنلر کسیل اولماز
فارس شاعری چوخ سوزلرینی بیزدن آپارمیش
(صابر)کیمینیرسفره لی شاعر پخیل اولماز
تورکون مثلی فولکلوری دنیادا تک دیر
جان یورقانی کند ایچره مثل دیر میتیل اولماز
آذرقوشونی قیصر رومی اسیر ائتمیش
کسری سوزودیر نیر بئله تاریخ ناغیل اولماز
پیشمیش کیمی.شعرین ده گرک داد-دوزی اولسون
کنداهلی بیلر لر کی دوشابسیز خشیل اولماز
سوزلرده جواهر کمی دیر.اصل بدلدن
تشخیص وئرن اولسا بوقده ر زیر.زیبیل اولماز
شاعراولا بیلمسن.آنان دوغماسا شاعر
مس سن.آبالام.هرساری کوینک قیزیل اولماز
چوق قیسا بوی اولسان اولیسان جن کمی شیطان
چوق دا اوزون اولما که اوزوندا عقیل اولماز
مندن ده نه ظالم چیخار.اوغلوم.نه قصاص چی
بیر دفعه بونی قان کی ایپکدن قزیل اولماز
آزاد قوی اوغول عشقی طبیعتده بولونسون
داغ-داشدا دوغولموش دهلی جیران حمیل اولماز
انسان اودی دوتسون بو ذلیل خلقین الیندن
آلاهی سور سن.بئله انسان ذلیل اولماز
چوق داکی سرابون سویی وار یاغ-بالی واردیر
باش عرشه ده چاتدیرسا.سراب اردبیل تولماز
ملت غمی اولسا.بوجوجوقلار چوپه دونمز*
اربابلار یمیزدان دا قارینلار طبیل اولماز
دوز واختا دولار تاختا-طاباق ادویه ایله
اوندا کی ننه م سانجیلانار زنجفیل اولماز
بو«شهریار»ین طبعی کمی چیممه لی چشمه
کوثر اولا بیلسه دئمیرم.سلسبیل اولماز
نظرات شما عزیزان:
تبادل لینک هوشمند 
به وبلاگ من خوش آمدید
